si Margaret. Subukan mo lang na ilabas siya, mag-date kayo. Saka di hamak namang mas maganda si Margaret kaysa sa sinumang naging girlfriend mo ah. Pagbigyan mo na ako anak. Pangako ko pag hindi mo pa rin
siya nagustuhan matapos niyong magkasama ay hindi na kita kukulitin pang pakasalan ito,” seryosong-seryosong pagtatapos nito.

         Tinitigan niya nang mariin ang ama niya. Nag-isip sandali at saka muling nagsalita. “Sigi po Dad. Gagawin ko ang kahilingan niyo. Pero pagkatapos at hindi kami nagkasundo ay hindi niyo na muli pang ipipilit sa akin iyang kagustuhan mo,” mahinahong sabi nito sa ama niya na nakatingin dito.

         Kaagad na napangiti ang ama niya sa tinuran niya. “Mabuti kung ganoon anak,” natutuwang sabi nito sa kanya.