pinakamamahal na anak.

        Napahalakhak si Mike sa tinuran ng ama niya. “Daddy talaga oo,” sabi lang niya dito.

        “Ito talaga ang pakay ko sa iyo,” sabi nito.
“Alam mo namang may napupusuan na akong mapangasawa mo. Noong biente-tres ka at nagtratrabaho ka na sa kumpanya natin ay hiniling ko sa iyo na pakasalan mo na ang anak ng matalik kong kaibigang si Marjorie. Tumanggi ka at sinabi mong gusto mo munang mag-focus sa trabaho, sa mga negosyo natin. Pinagbigyan kita at nerespeto ko ang desisyon mo. Mula nga noon ay hindi ko na ito muling binanggit pa sa iyo. Subalit ngayon, sabi ko na nga kanina, wala ka nang dapat patunayan pa anak. Pagbigyan mo na ako anak. Puntahan mo